🌎थोडा हटके कृतीयुक्त अभ्यास क्र.16🌍

 ▪️अभ्यास क्र.-१६

▪️इयत्ता:- ६वी

▪️विषय:-इतिहास

.................................................

🔸घटक:४)वैदिक संस्कृती

.................................................

विद्यार्थी मित्रानों...!

   जे जगात नाही ते वेदांत आहे असे म्हणतात.वेद वाड्मयावर आधारलेली संस्कृती म्हणजे वैदिक संस्कृती होय.वेद हे आपले सर्वाधिक प्राचीन साहित्य मानले जाते.वेदांची निर्मिती अनेक ऋषींनी केली.वैदिक वाड्मयाची भाषा संस्कृत होती.वैदिक वाड्मय अत्यंत समृद्ध आहे.

विद्यार्थ्यांनों...!वैदिक संस्कृतीविषयी माहिती देणारे मराठी ग्रंथसंपदा विपुल प्रमाणात उपलब्ध आहेत.रघुनाथ जोशी,विनोबा भावे तसेच अभ्यंकर यांनी लिहिलेले ग्रंथ प्रसिद्ध आहे.तर विद्यार्थी मित्रानों...!आजच्या थोडा हटके कृतीयुक्त अभ्यास उपक्रमात आपणास वैदिक संस्कृतीची ओळख तथा माहिती देणारे ग्रंथसंपदा गुगलवर शोधावयाची आहे.म्हणजेच वैदिक संस्कृतीशी संबंधित असलेले पुस्तक व ते कोणी लिहिलेले आहेत.याविषयी माहिती शोधून लेखन करावयाची आहे.

▪️अभ्यास क्र.-१६

▪️इयत्ता:- ७वी

▪️विषय:-इतिहास

.................................................

🔸घटक:२)शिवपूर्वकालीन भारत

.................................................

विद्यार्थी मित्रानों...!

   उदयसिंहाच्या मृत्यूनंतर महाराणा प्रताप हे मेवाडच्या गादीवर आले.मेवाडच्या अस्तित्वासाठी त्यांनी संघर्ष चालू ठेवला.महाराणा प्रताप यांनी अखेरपर्यंत आपले स्वातंत्र्य टिकवण्यासाठी अकबराबरोबर संघर्ष केला.पराक्रम धैर्य,स्वाभिमान,त्याग इत्यादी गुणांमुळे ते इतिहासात अजरामर झाले.

     विद्यार्थी मित्रानों...! महाराणा प्रताप यांच्या आयुष्यातील सर्वात महत्वाचे व निर्णायक युध्द कोणते होते? ज्याने आजवरच्या इतिहासात त्यांना अजराअमर केले.ते युद्ध आपल्याला आजच्या आपल्या थोडा हटके कृतीयुक्त अभ्यासात शोधावयाचे आहे.चला तर मग...!महाराणा प्रताप यांचे ते निर्णायक युद्ध शोधूया व लिखाण करुया...!

▪️अभ्यास क्र.-१६

▪️इयत्ता:- ८वी

▪️विषय:-इतिहास

.................................................

🔸घटक:३)ब्रिटिश सत्तेचे परिणाम

.................................................

विद्यार्थी मित्रानों...!

   दुसरा बाजीराव ( १७९५-१८१८) पेशवेपदी आल्यावर त्याने हळूहळू छत्रपतिपदाचा अवमान करण्यास प्रारंभ केला.त्यामुळे सातारचे छत्रपती प्रतापसिंह यांच्याशी हे कारण साधून इंग्रजांनी छत्रपतींशी तह करुन पेशवाईचा अस्त केला.परंतू इंग्रजांचा मराठांच्या राजकारणात शिरकाव झाला.राज्यकारभार इंग्रजांनी हाती घेतला.पुढे तर १८४८ मध्ये हे सातारचे राज्य खालसा करण्यात आले.

   विद्यार्थी मित्रानों....!पेशवाई व छत्रपती यामधील संबंधच या घटनेला कारणीभूत आहे असे इतिहासावरुन दिसून आले.आज आपणास आपल्या थोडा हटके कृतीयुक्त अभ्यासात छत्रपती प्रतापसिंह व दुसरा बाजीराव पेशवा यामधील संबंध गुगलवर शोधून लिहावयाचा आहे.व वर्गात सादरीकरण करुन चर्चा करावयाचे आहे.