🌎थोडा हटके कृतीयुक्त अभ्यास क्र.15🌍

 ▪️अभ्यास क्र.-१५

▪️इयत्ता:- ६वी

▪️विषय:-इतिहास-नागरिकशास्र

.................................................

🔸घटक:२)समाजातील विविधता

.................................................

विद्यार्थी मित्रानों...!

   भारतीय समाजात विविध धर्मांचे लोक राहतात.त्यांच्यातील परस्पर सामंजस्य वाढीस लागावे व सर्वांना आपापल्या श्रद्धेनुसार उपासना करण्याचे स्वातंत्र्य असावे यासाठी आपल्या संविधानात महत्त्वाच्या तरतुदी केलेल्या आहेत.भारत हे जगातील एक महत्त्वाचे धर्मनिरपेक्ष राष्ट्र आहे.आपल्या देशात भाषिक आणि धार्मिक विविधता मोठ्या प्रमाणावर आहे.ही विविधता निकोपपणे जपण्यासाठी आपण धर्मनिरपेक्षतेचे तत्त्व स्वीकारले आहे.

       विद्यार्थी मित्रानों...!धर्मनिरपेक्षता हे तत्त्व जपणे खुप आवश्यक आहे.आपण सर्वांनी छत्रपती शिवरायांचे धर्मनिरपेक्षतेचे तत्त्वांचे पालन केले पाहिजे.तर विद्यार्थी मित्रानों आजच्या थोडा हटके कृतीयुक्त अभ्यासात आपणास छत्रपती शिवाजी महाराजाच्या धर्मनिरपेक्षता या तत्त्वाविषयी माहिती शोधावयाची आहे.व ते लेखन करुन वर्गात सादरीकरण करावयाचे आहे.

▪️अभ्यास क्र.-१५

▪️इयत्ता:- ७वी

▪️विषय:-इतिहास-नागरिकशास्र

.................................................

🔸घटक:१)आपल्या संविधानाची ओळख

.................................................

विद्यार्थी मित्रानों...! 

    आपला देश १५ आॅगस्ट १९४७ रोजी स्वतंत्र झाला.तत्पूर्वी भारतावर इंग्रजांचे राज्य होते.इंग्रज सरकारने राज्यकारभाराच्या सोईसाठी मुंबई प्रांत,बंगाल प्रांत व मद्रास प्रांत यासारखे विभाग पाडले होते.या प्रांतामधील कारभार तेथील लोकप्रतिनिधी तसेच स्थानिक राजेंमार्फंत चालविला जात होता.विद्यार्थ्यांनों संविधान सभेत या प्रतिनिधींचा समावेश होता.संविधान सभेत २९९ सदस्य होते.

   विद्यार्थी मित्रानों आजच्या थोडा हटके कृतीयुक्त अभ्यासात आपणास २९९ सदस्यांपैकी किमान ५० सदस्यांची नावे गुगलवर शोधावयाची आहे.ते लेखन करुन वर्गात सादरीकरण करावयाचे आहे.

▪️अभ्यास क्र.-१५

▪️इयत्ता:- ८वी

▪️विषय:-इतिहास

.................................................

🔸घटक:३)ब्रिटिश सत्तेचे परिणाम

                   __:तैनाती फौज:__

.................................................

विद्यार्थी मित्रानों...! 

      

    तैनाती फौज ही भारतातील संस्थानांवर ब्रिटिशांचा अधिकार वाढविण्यासाठी ब्रिटिश भारतातील गव्हर्नर जनरल लॉर्ड वेलस्ली याने इ.स. १७९८ मध्ये चालू केलेली एक योजना होती. तैनाती फौजेच्या अंतर्गत करार झालेल्या संस्थानांची जबाबदारी कंपनी घेत असे व त्याबदल्यात त्या संस्थानांकडून काही अटी मान्य करून घेतल्या जात.तैनाती फौज स्विकारलेल्या संस्थानांना आपल्या राज्यात एक मोठी सेना इंग्रजांच्या नियंत्रणाखाली ठेवावी लागेल. ही सेना त्याठिकाणी शांतता प्रस्थापित करेल. या सेनेच्या बदल्यात संस्थानाने कंपनीला पैसा किंवा प्रदेश द्यावा.अशा त्या अटी होत्या.भारतातील काही सत्ताधीशांनी ही पद्धत स्वीकारली व आपले स्वातंत्र्य गमावले.

    तर विद्यार्थी मित्रानों आपणास निश्चितच कुतूहल निर्माण झाले असेल की,असे कोणते संस्थाने तथा सत्ताधीश होते ज्यांनी या तैनाती फौजेचा स्वीकार केलेला होता. चला तर मग विद्यार्थ्यांनों...! आपल्या दैनंदिन थोडा हटके कृतीयुक्त अभ्यासात आपणास आज गुगलवर तैनाती फौजेचा स्वीकार करणारे संस्थाने,सत्ताधीश यांचा शोध घ्यावयाचा आहे.तसेच सुवाच्च अक्षरात लेखन करुन वर्गात सादरीकरण करावयाचे आहे.