🌎थोडा हटके कृतीयुक्त अभ्यास क्र.14🌍

 ▪️अभ्यास क्र.-१४

▪️इयत्ता:- ६वी

▪️विषय:-इतिहास-नागरिकशास्र

.................................................

🔸घटक:२)समाजातील विविधता

.................................................

विद्यार्थी मित्रानों...! 

    विविध समूहांच्या बरोबर राहणे म्हणजे सहअस्तित्व अनुभवणे होय.अशा सहअस्तित्वामुळे आपल्यातील सामंजस्य वाढते.त्यामुळे परस्परांच्या चालीरीतींशी व जीवनपद्धतींशी आपली ओळख होते.आपण एकमेकांच्या जीवनपद्धतींचा आदर करायला शिकतो.इतरांच्या काही प्रथा परंपरा आत्मसात करतो.यातून समाजात एकोपा वाढतो.सामाजिक एकोप्यामुळे आपण अनेक नैसर्गिक व सामाजिक आपत्तींचा सामना करु शकतो.

   विद्यार्थ्यांनों...!आपल्याला आजच्या थोडा हटके कृतीयुक्त अभ्यासात सामाजिक एकोपा दर्शविणारी बातमी गुगलवर शोधावयाची आहे.चला तर मग...! सामाजिक एकोप्यामुळे आपण अनेक नैसर्गिक व सामाजिक आपत्तींचा सामना करु शकतो असा आशय स्पष्ट करणारी तथा सामाजिक एकोपा दर्शविणार्‍या एका बातमीचा शोध घ्या.त्याचे छान सुवाच्च अक्षरात लेखन करुन वर्गात सादरीकरण करा.

▪️अभ्यास क्र.-१४

▪️इयत्ता:- ७वी

▪️विषय:-इतिहास-नागरिकशास्र

.................................................

🔸घटक:१)आपल्या संविधानाची ओळख

.................................................

विद्यार्थी मित्रानों...! 

    भारताच्या संविधान निर्मितीला इ.स.१९४६ पासुनच सुरुवात झाली.स्वतंत्र भारताचा राज्यकारभार ब्रिटिशांनी तयार केलेल्या कायद्यानुसार चालणार नाही तर तो भारतीयांनी स्वत:तयार केलेल्या कायद्यानुसार चालेल असा स्वातंत्र्य चळवळीतील नेत्यांचा आग्रह होता.त्यानुसार भारताचे संविधान तयार करण्यासाठी एक समिती स्थापन करण्यात आली.त्या समितीद्वारे आपले संविधान तयार झाले.या संविधान समितीतील कार्य पाहता डाॅ.बाबासाहेब आंबेडकरांना आपल्या भारतीय संविधानाचे शिल्पकार म्हणतात.तसेच विद्यार्थी मित्रानों अनेकांनी या कार्यात सहभाग नोंदविला.भारताचे संविधान बनून तयार होत होते. पण संविधान हे हस्तलिखीत असावं अशी नेहरुंची इच्छा होती.तसेच संविधानाच्या  पानांवरील नक्षीकाम व सजावट करण्यात आली.

    मित्रानों....! आजच्या आपल्या दैनंदिन थोडा हटके कृतीयुक्त अभ्यास उपक्रमाद्वारे आपणास संविधानात कोणाचे हस्तलेखन आहे?संविधानाच्या पानांवर नक्षीकाम कोणी केलं? या बाबींचा शोध गुगलवर घ्यावयाचा आहे. चला तर मग...! इंटरनेटच्या मदतीने आपल्या संविधानाची भौतिक ओळख करुन घेवूया...!गुगलवर संविधानाचे हस्तलेखन व पानांवरील नक्षीकाम करणारे कलाकारांविषयी माहिती शोधून आपल्या कृतीयुक्त उपक्रमाच्या वहीत लेखन करावयाची आहे.

▪️अभ्यास क्र.-१४

▪️इयत्ता:- ८वी

▪️विषय:-इतिहास

.................................................

🔸घटक:३)ब्रिटिश सत्तेचे परिणाम

.................................................

विद्यार्थी मित्रानों...! 

    मुंबई हे इंग्रजांचे पश्चिम भारतातील प्रमुख केंद्र होते. त्याच्या जवळपासचा प्रदेश मिळवण्याचा त्यांचा प्रयत्न होता; परंतु या प्रदेशावर मराठ्यांची घट्ट पकड होती. माधवराव पेशवे यांच्या मृत्यूनंतर  रघुनाथरावाने पेशवेपदाच्या लालसेपोटी इंग्रजांची मदत मागितली. त्यामुळे मराठ्यांच्या राजकारणात इंग्रजांचा शिरकाव झाला.रघुनाथराव थोरले बाजीराव यांचे पुत्र इ.स. १७७३ ते इ.स. १७७४ या कालखंडात मराठा साम्राज्याचे पेशवा, म्हणजे पंतप्रधान, होते. यांनी इ.स. १७५० च्या दशकात मराठा सैन्याच्या पंजाब व अफगणिस्तानातील युद्धमोहिमांचे नेतृत्व केले. याच्या कामगिरीने मराठ्यांनी अटकेपार झेंडे रोवले.

    विद्यार्थी मित्रानों...! आजच्या थोडा हटके कृतीयुक्त अभ्यास उपक्रमात आपणास रघुनाथरावाना पेशवे पदाची लालसा का झाली?त्यावेळी पेशवे कोण होते?त्यांच्याशी असलेले नातेसंबंध काय? असे कुतूहल निर्माण करणार्‍या प्रश्नांचा शोध गुगलवर घेऊन त्या संबंधीचे ऐतिहासिक माहितीचे लेखन करावयाचे आहे.व वर्गात सादरीकरण करावे.