🌎थोडा हटके कृतीयुक्त अभ्यास 8वी 🌍

➖➖➖➖➖➖➖➖➖➖➖➖➖➖➖➖➖➖

▪️अभ्यास क्र.-२२

▪️इयत्ता:- ८वी

▪️विषय:-भूगोल

.................................................

🔸घटक:३)आर्द्रता व ढग

                (ढगफुटी)

...............................................

विद्यार्थी मित्रानों...!

      काही वेळा, पाऊस देणार्‍या ढगांतून खाली आलेला पाऊस जमिनीवर न पडता, जमिनीकडच्या उष्ण तापमानामुळे त्याची परत वाफ होऊन ती त्या ढगांतच सामावली जाते. ते ढग, मग तो अतिरिक्त भार घेऊन मार्गक्रमण करतात. त्यांच्या मार्गात एखादा डोंगर आल्यास त्यावर ते आदळून फुटतात. त्यायोगे, मोठ्या प्रमाणात पाऊस पडतो. यास ढगफुटी म्हणतात.

   विद्यार्थी मित्रानों...!भारतात अनेकवेळा पर्वतीय भागात ढगफुटी झालेल्या पहावयास मिळतात.लेह,जम्मू आणि काश्मीर भागात याचे प्रमाण जास्त आहे असे नोंदीवरुन दिसुन येते.विद्यार्थी मित्रानों..!आजच्या थोडा हटके कृतीयुक्त अभ्यासात आपणास ढगफुटीच्या नोंदी शोधुन लेखन करावयाचे आहे.चला तर मग पर्जन्यमान,कालावधी,दिनांक व ठिकाण या बाबींद्वारे ढगफुटीच्या नोंदी शोधून लेखन करुन वर्गात सादरीकरण करावे.

➖➖➖➖➖➖➖➖➖➖➖➖➖➖➖➖➖➖

▪️अभ्यास क्र.-२१

▪️इयत्ता:- ८वी

▪️विषय:-भूगोल

.................................................

🔸घटक:३)आर्द्रता व ढग

                (ढग)

...............................................

विद्यार्थी मित्रानों...!

     ढग हा वातावरणात जास्त उंचीवर आढळणारा सांद्रीभवनाचा प्रकार आहे.वातावरणातील सूक्ष्म कणांभोवती सांद्रीभवन होते.सांद्रीभवन होऊन तयार झालेले ढगातील जलकण,हिमकण अत्यंत सूक्ष्म असल्याने जवळजवळ वजन विरहित अवस्थेत असतात.त्यामुळे ढग हवेत तरंगत असतात.

  विद्यार्थ्यांनों...!ढगांचे अस्तित्व पृथ्वीव्यतिरिक्त इतरत्रही आढळून येते.शुक्र,मंगळ,गुरु,शनि या ग्रहांवरही आहे असे शोधकार्य म्हणते.तर आज आपणास पृथ्वीव्यतिरिक्त इतरत्र आढळणारे ढगाचे अस्तित्वाविषयी माहिती मिळवायची आहे.चला तर मग आजच्या थोडा हटके अभ्यासात गुगलच्या मदतीने ढगाचे इतर ग्रहावरील अथवा सूर्यमालेबाहेरील असलेले अस्तित्व शोधूया.व सूवाच्च अक्षरात लेखन करुन वर्गात सादरीकरण करुया.

➖➖➖➖➖➖➖➖➖➖➖➖➖➖➖➖➖➖